Թռչունները առաջին տաքարյուն ցամաքային ողնաշարավորներն են, հարմարված են թռիչքին, գրավել են օդացամաքային կենսամիջավայրը:
Նրանց առջևի վերջույթները վերափոխվել են թևերի, մարմինը պատված է փետուրներով:
Թռչունները միզափամփուշտ չունեն:
Դա թեթևացնում է թռչնի քաշը թռիչքի ժամանակ: Մեզը պինդ, շիլայանման զանգված է, որը պարունակում է միզաթթու:
Թռչունների օրգանիզմը կարիք ունի մեծ քանակով թթվածնի: Այդ իսկ պատճառով նրանք ունեն կատարելագործված շնչառական համակարգ:
Զգայարաններ
Թռչուններն ունեն 5 զգայարան՝
- տեսողական,
- լսողական,
- հոտառական,
- շոշափելիքի,
- համի:
Թռչունները, ի տարբերություն սողունների, չունեն կենդանածին ձևեր:
Թռչունների մոտ լավ արտահայտված է սեռական դիմորֆիզմը: Արուները ունեն վառ գունավորում, ավելի խոշոր են և գրավում են էգերին: Թռչունների բազմացումը սկսվում է հարսանեկան խաղերով: Դրանք դրսևորվում են տարբեր կերպ՝ կռունկները պարում են, սոխակները՝ երգում, փայտփորիկները` կտցահարում ծառի բները:
Հարսանեկան խաղերին մասնակցում են և՛ արուները, և՛ էգերը, սակայն արուների մասնակցությունը միշտ ավելի արտահայտված է: Հարսանեկան խաղերի ընթացքում ձևավորվում են զույգերը: