Արատես ամփոփում

Ողջույն, ես Մանե Սարգսյանն եմ: Այսօր կպատմեմ մեր եռօրյա ճամփորդության մասին, երբ գնացել էինք Արատես:  Ամսի 23-ին երկուշաբթի օրը հավագվեցինք Սուրբ Երրորդություն եկեղեցու բակում, որտեղից սկսվեց մեր ճամփորդությունը: Ճանապարհը տևեց շատ երկար: Ճանապարհին ունեցել ենք կանգառներ: Ճանապարհին բարձրացանք Ցաղաց քարը, որը շատ բարդ էր հետո իջանք Ցաղաց քարից և բարձրացանք Սմբատաբերդը, որը կրկնակի բարդ էր: Սակայն ճանապարհը այնքան հաճելի և հետաքրքիր անցավ, որ մոռացանք այդ բարդությունների մասին և մեծ սիրով բարձրացանք: Սմբատաբերդից իջանք երբ արդեն երեկո էր, և մութը ընկել էր: Արատես հասանք շատ ուշ և շատ հոգնած էինք:   Հասցրեցինք միայն տեղավորվել, հետո ընթրեցինք և մի փոքր ավելի ուշ քնեցինք: Երկրորդ օրը անցավ ամենահետաքրքիրը, արթնացանք, մարմնամարզություն արեցինք, նախաճաշեցինք, շատ քիչ հանգստի ժամ ունեցանք, հետո գնացինք Արատեսում արշավի Արատեսի ամրոցներից մեկում, գնացինք Արատեսի քարանձավներից երկուսը շատ հետաքրքիր էր: Վերադարձանք մեր տներ, հանգստացանք, գնացինք ճաշելու, ճաշելուց հետո հերթապահները հավագեցին սեղանը, իսկ մնացածը ունեին ազատ ժամանակ, այդ ընթացքում մենք խաղում էինք սեղանի խաղեր: Դրսում աղջիկները վոլեյբոլ էին խաղում,իսկ տղաները` ֆուտբոլ: Արդեն երբ մութը ընկավ սովորեցինք մի երգ և մի պար: Հարիսայի ծեսի ժամանակ պարեցինք, երգեցինք խարույկի շուրջ: Այնուհետև պատրաստվեցինք քնելու, բայց գնացինք կրկին երգելու` ընկեր Արմենուհին նվագում էր, իսկ մենք երգում էինք այդ ընթացքում:Ապա նոր միայն քնեցինք: Առավոտյան արթնացանք, լվացվեցինք, մարմնամարզություն արեցինք, նախաճաշեցինք, հետո վերադարձանք մեր տնակներ, սկսեցինք հավաքել մեր իրերը և սենյակը, սենյակը մաքրեցինք, իրերը հավագեցինք, կրկին վոլեյբոլ խաղացինք: Եկավ հաջորդ խումբը իսկ մենք ճանապարհ ընկանք դեպի տուն: Ճանապարհին ունեցանք կանգառներ, կանգնեցինք Զորաց եկեղեցում և Ս. Արենի Աստվածածին եկեղեցում: Նստեցինք մեքենան և շարունակեցինք մեր ճանապարհը: Ես շատ անգամ եմ գնացել Արատես, բայց սա իրոք ամենալավն և ամենաուրախն էր: Այս հետաքրքիր ճամփորդության համար շատ շնորհակալ եմ ընկեր Հասմիկին, ընկեր Մերիին և ընկեր Արմենուհուն:

Գրաբարյան թարգմանություն,Վահագնի ծնունդը ՝ ըստ Մովսես Խորենացու,16․10․23

1. Տրված հատվածը թարգմանել աշխարհաբար,ուշադրություն դարձնել գրաբարյան քերականական իրողություններին՝ համեմատելով գրական արևելահայերենի հետ։

2. Ըստ Խորենացու՝ ո՞վ էր Վահագնը, ի՞նչ ավանդազրույցներ են մեզ հայտնի նրա մասին․քննարկել դասարանում վերը նշված հարցերը։

Ըստ Խորենացու Վահագնը եղել է կրակիի աստվածը: Նա ունեցել է բոց և արեգակ մազեր, կրակ մորուք:

(Գրաբար)

Երկնէր երկին, երկնէր երկիր,
Երկնէր և ծովն ծիրանի.
Երկն ի ծովուն ունէր և զկարմրիկն եղեգնիկ.

Ընդ եղեգան փող ծուխ ելանէր,
Ընդ եղեգան փող բոց ելանէր,
Եւ ի բոցոյն վազէր խարտեաշ պատանեկիկ.

Նա հուր հեր ունէր,
Բոց ունէր մօրուս,
Եւ աչքունքն էին արեգակունք:

Երկնում էր երկինքը,երկնում էր երկիրը,
Երկնում էր և ծովը ծիրանի,
Երկունքը ծովում բռնել էր կարմիր եղեգնիկին,
Եղեգնի փողով ծուխ էր ելնում,
Եղեգնի փողով բոց էր ելնում,
Եվ այն բոցից վազում էր խարտյաշ մի պատանի,
Նա հրե մազեր ուներ,
Բոց մորուք ուներ,
Եվ աչքերն էին արեգակներ։